
马尔巴大师教言集MARPA20རིམ་པ་ལྔ་ལྡན་གྱི་རྫོགས་རིམ།
2-1-58b
༄༅། །རིམ་པ་ལྔ་ལྡན་གྱི་རྫོགས་རིམ།
༄༅། །རིམ་པ་ལྔ་ལྡན་གྱི་རྫོགས་རིམས་(རིམ་)བཞུགས་སོ། །རིམ་ལྔའི་གདམས་ངག སེམས་ལ་དམིགས་པ་དང་། རྡོ་རྗེའི་བཟླས་པ་དང་། སྒྱུ་ལུས་དང་། འོད་གསལ་དང་། ཟུང་དུ་འཇུག་པའོ། །སེམས་ལ་དམིགས་པ་ནི། ཟུང་དུ་འཇུག་པའོ། །སེམས་ལ་དམིགས་པ་ནི། འཁོར་ལོས་བསྒྱུར་བའི་རྒྱལ་པོ་གླིང་བཞི་ལས་གཞན་དུ་མི་འགྲོ་བ་ལྟར། རང་གི་སེམས་ཉིད་ཀྱང་། འཁོར་ལོ་བཞི་ལས་གཞན་དུ་མི་འཇུག་སྟེ། དེ་ཡང་གཉིད་ཀྱི་ཚེ་མགྲིན་པ་ནི་གནས། རྨི་ལམ་གྱི་ཚེ་སྙིང་ག་ན་གནས། འཁྲིག་པའི་ཚེ་སྤྱི་བོ་ན་གནས། ཐ་མལ་གྱི་ཚེ་ལྟེ་བ་ན་གནས་པའོ། །དེ་ལས་ལྟེ་བའི་འོག་གི་རྩ་མདུད་གྲུ་གསུམ་གྱི་ནང་ན་རང་གི་སེམས་ཉིད་ཨ་ཐུང་དུ་རེག་བྱ་ཚ་བ་རྣོ་བ་གདུང་
2-1-59a
པ་གཅིག་ཡོད་པ་ལ་སེམས་གཏད་ལ་སྟེང་རླུང་མནན་ལ་བསྒོམ་མོ། །དེ་ལྟར་གནས་པའི་ཚེ་རྣམ་རྟོག་རགས་པ་འགགས་པས་སྟོང་པ། ཕྲ་བ་འགགས་པས་སྟོང་པ་ཆེན་པོ། ཤིན་ཏུ་ཕྲ་བ་འགགས་པ་ཤིན་ཏུ་སྟོང་པའོ། །དེ་ནས་དབུགས་ཕྱིར་མ་ཐུབ་ནས་འཆོར་བ་ན། ཕྱིར་ནར་གྱིས་རྒྱུ་ཙམ་ན་ཨོྃ། ནང་དུ་གནས་པའི་ཚེ་ཡང་ཨཱཿ ནང་དུ་འཇུག་པའི་ཚེ་ཧཱུྃ་ལ་སེམས་གཏད་པའི་ནི་རྡོ་རྗེ་བཟླས་པའོ། །སྣང་སྲིད་ཀྱི་ཆོས་ཐམས་ཅད་སྣང་ལ་རང་བཞིན་མེད་པ་སྒྱུ་མ་ལྟ་བུར་ཤེས་པའི་སྒྱུ་ལུས་སོ། །འོད་གསལ་ནི་སྒྱུ་མ་དེ་ཉིད་རང་བཞིན་སྟོང་པ་ཉིད་དུ་གསལ་བའོ། །ཟུང་དུ་འཇུག་པ་ནི་དེ་ལྟར་སྒྱུ་མ་དང་སྟོང་པ་དབྱེར་མེད་དུ་བསམ་པའོ། །དེ་ལྟར་བསྒོམས་པའི་འབྲས་བུ་ནི་རྗེས་ལ་བརྟགས་འདི་ལྟར་འབྱུང་སྟེ། ས་ཆུ་ལ་ཐིམ་པའི་རྟགས་སུ་སྣང་ལ་ཞེན་པ་མེད་པའི་སྤྲིན་ལྟར་ལང་ལོང་དུ་སྣང་བ་དང་། ཆུ་མེ་ལ་ཐིམ་པའི་རྟགས་སུ་དུ་བ་ལྟར་ལང་ལོང་དུ་སྣང་བ་དང་། མེ་རླུང་ལ་ཐིམ་པའི་རྟགས་སུ་སྲིན་བུ་མེ་ཁྱེར་ལྟར་ཚག་གེ་ཚིག་གེ་དང་། རླུང་རྣམ་པར་ཤེས་པ་ལ་ཐིམ་པའི་རྟགས་སུ་ཤེས་པ་རང་རིག་རང་གསལ་དང་། རྣམ་པར་ཤེས་པ་ནམ་མཁའ་ལ་ཐིམ་པའི་རྟགས་སུ་སྤྲིན་མེད་པའི་ནམ་མཁའ་ལྟར་འབྱུང་བའོ། །རིམ་པ་ལྔའི་མན་ངག་རྫོགས་སོ།། །།
2-1-59b
སྤྱིར་རླུང་བསྒོམ་པའི་དུས་ཐམས་ཅད་དུ་སྟེང་རླུང་མནན་པ་ལས་འོག་རླུང་མི་བསྡམ་པ་ཡིན་ཏེ། བསྡམས་ན་འདར་བ་དང་འཕར་བ་ལ་སོགས་པ་འོང་བ་ཡིན། བསྒོམ་པ་ལ་ཞུགས་ནས་བླ་བོ་དང་མདོའ་འདོན་པ་དང་བཟླས་པ་བྱེད་པ་ལ་སོགས་པའི་དུས་སུ་ནཱ་རོའི་ཞལ་ནས་སྟེང་འོག་སྤྲོ་བར་བྱ་བ་ཡིན་གསུང་སྟེ། དེའི་དུས་སུ་ཡང་ཤེས་པ་བསྒྲིམས་པ་ལས་རླུང་གི་རྒྱུ་བ་མི་དགག བཀག་ན་ན་ཚར་འགྲོ་བ་ཡིན་གསུང་ཞེས་བླ་མ་ལ་དྲིས་པས་གསུང་ངོ་། །[ཙོག་བུ་ལ་བོལ་དུ་ཐིག་ལེ་དཀར་པོ་ལྟེ་བར་དྲང་།] སྟོད་མི་བདེ་བ་སྨད་ཀྱིས་བསལ་བ། [ཚངས་པའི་ལྟེ་བར་དྲང་།] སྨད་ཀྱི་སྟོད་ཀྱིས་བསལ་བ། རྒྱབ་ཀྱི་མདུན་དུ་བསལ་བ་དང་། མདུན་དུ་བསལ་བ་དང་། ནང་གི་ཕྱིར་བསལ་བ་དང་། [ལུས་དྲངས་ལ་ལྟེ་བ་ལས་ཕྱིར་འགྲོ། སྙིང་གར་གྲུ་གསུམ་ནང་དུ་ཨ་ལ་གཏད།] ཕྱིའི་ནང་དུ་བསལ་བའོ།། །།ཨྠྀི།


目录
རིམ་པ་ལྔ་ལྡན་གྱི་རྫོགས་རིམ།